Jak stała viadoma Sports.ru,
forvardy minskaha «Dynama» Vile Piełtanien i Džef Płat praciahnuć karjeru ŭ CSKA.
U abmien na hulcoŭ minčukam dastanucca vyhody z nastupnaha draftu ŭ KCHŁ.
Takim čynam u aŭtorak Piełtanien i Płat zhulali ŭ składzie «Dynama» svoj apošni matč (suprać «Atłanta» – 2:3), a paśla hulni abodva ŭžo jeduć u Maskvu, reziumuje Sports.ru.
Niekalkimi hadzinami raniej paviedamlałasia, što Piełtanien piarojdzie ŭ kazanski «Ak Bars», a paśla matču z «Atłantam» hałoŭny trenier Minska Alaksandr Andryjeŭski zajaviŭ, što suprać sychodu Piełtaniena i Płata. "Jakbačycie, jany hulali siońnia, jany ŭ kamandzie. Pryjedziem u Minsk, z kiraŭnictam pahutarym, adkul, što, jak i čamu".
Nahadajem, što kolki tydniaŭ tamu ŭ «Ak Bars» ź Minska źjechaŭ Chanes Chiuvienien. A ŭ śniežni z «Dynama» ŭ šviedskuju «Frełundu» praź niadoŭhi pobyt u salihorskim «Šachciory» źjechaŭ Jusi Makanien.
***
Minskaje «Dynama» zachoŭvaje chiba tearetyčnyja šancy na plej-of.
Za vosiem hulniaŭ da kanca rehularnaha čempijanatu biełaruski kłub zajmaje ŭ Zachodniaj kanfierencyi 11-je miesca z 56 bałami.
Ad zony plej-of kłub adździalajuć 11 bałaŭ.
U ryžskaha «Dynama», jakoje idzie vośmym, 67 bałaŭ.
Siońnia ryžanie atrymali valavuju pieramohu ŭ haściach nad «Sievierstallu» ź likam 4:3. Pryčym ryžanie sastupali pa chodzie matču 0:3.
9-m idzie «Tarpieda» (Nižni Noŭharad) – 64 bały, u «Sievierstali» – 62 bały. Usie družyny praviali pa 48 matčaŭ. CSKA, darečy, idzie siomym z 73 bałami. I faktyčna harantavaŭ sabie miesca ŭ nakaŭt-raŭnzie.
U sieradu «Tarpieda» zhulaje z «Naftamikam»,
u čaćvier minskaje «Dynama» ŭ haściach zhulaje ź lideram Zachodniaj kanfierencyi SKA, ryžskaje «Dynama» ŭ haściach z «Atłantam», a «Sievierstal» doma – z maskoŭskim «Dynama».
1 lutaha projdzie hulnia «Dynama» Ryha – «Dynama» Minsk. Matč adbudziecca ŭ stalicy Łatvii.
