Adnak pres-słužba pradpryjemstva zapeŭnivaje, što rudniki pracujuć ŭ zvyčajnym režymie.
U šachcie budujuć pieramyčku. Fota www.esoligorsk.net.
Vakoł situacyi na «Biełaruśkalii» źjaŭlajucca novyja čutki. Nahadajem, što ŭ noč na 24 červienia hetaha hoda na rudniku 2-ha rudaŭpraŭleńnia pradpryjemstva adbyłasia vydzialeńnie rasołaŭ u vypracavanuju parodu. Pieršapačatkova infarmacyja źjaviłasia ŭ internecie. Aficyjnyja krynicy zrabili zajavy z tydniovym spaźnieńniem. Tak, na sajcie «Biełaruśkalija» infarmacyja źjaviłasia tolki 30 červienia. Paśla hetaha paviedamleńni pra aktualnuju situacyju na rudniku na sajcie pradpryjemstva stała źjaŭlacca dosyć rehularna.
Tym nie mienš, novyja čutki praciahvajuć źjaŭlacca. Tak, na partale Newspeak.by źjaviłasia infarmacyja sa spasyłkaj na ananimnuju krynicu na «Biełaruśkalii» pra toje, što p
ry daśledavańni radoviščaŭ było znojdziena vialikaje padziemnaje voziera. Pavodle krynicy partała, znachodka moža prypynić raspracoŭku 2-ha i 5-ha rudnikoŭ.Aŭtar artykuła robić vysnovu, što maŭčańnie kiraŭnictva pradpryjemstva — heta strach abvału cany aktyvaŭ «Biełaruśkalija» ŭ čas, kali pačalisia aktyŭnyja razmovy pra jaho prodaž.
Pra krytyčnuju situacyju na «Biełaruśkalii» (až da straty 2-h i 5-ha rudnikoŭ) piša i miascovy sajt Salihorsk.org.
Atrymać kamientar u administracyi pradpryjemstva «NN» pakul nie atrymałasia. Pryvodzim infarmacyju, raźmieščanuju 13 lipienia na sajcie «Biełaruśkalija»: «U ciapierašni čas viaducca pracy pa likvidacyi pastupleńnia rasołaŭ u hornyja vypracoŭki haryzontu-445m rudnika RU-2 u adpaviednaści z zaćvierdžanym hrafikam. Vykonvajecca budaŭnictva treciaj časovaj bietonnaj pieramyčki. Dva prachodnickija kompleksy prachodziać akumulujučyja vypracoŭki dla zboru rasołaŭ. Rasoły, što pastupajuć, adpampoŭvajecca z zumpfa, raźmieščanaha na vientylacyjnym štreku paŭdniova-zachodniaha kirunku, u akumulujučyja vypracoŭki. Prytok rasołaŭ pamienšyŭsia. Viaducca raboty pa ŭźviadzieńniu pastajannych hidraizalacyjnych pieramyčak. Spynieńnia vytvorčaści nie było. Pradpryjemstva pracuje ŭ zvyčajnym technałahičnym režymie».
«Aficyjnaja infarmacyja vielmi blizkaja da praŭdy», — paviedamiŭ «NN» na ŭmovach ananimnaści pradstaŭnik niezaležnaha prafsajuza pradpryjemstva.Pa jaho słovach, čutak vakoł situacyi ŭ Salihorsku sapraŭdy šmat. Jon paćvierdziŭ infarmacyju pra toje, što ŭ Salihorsk pryjechali śpiecyjalisty z-za miažy, u pryvatnaści z Polščy. «U ich niekali była anałahičnaja situacyja na adnym z rudnikoŭ i jany jaje paśpiachova vyrašyli».
Inšaja krynica «NN» u Salihorsku kaža pra atmaśfieru poŭnaj sakretnaści, z-za čaho, ułasna, i źjaŭlajucca čutki.
