Студэнты ў Гомелі забілі першакурсніка, каб скрасці яго камп'ютар 3

Зараз справа накіравана ў суд, паведамілі ва ўпраўленні Следчага камітэта Рэспублікі Беларусь па Гомельскай вобласці.

Трагедыя адбылася ў ноч з 19 на 20 ліпеня мінулага года. Напярэдадні 19-гадовы студэнт аднаго з гарадскіх ВНУ пазнаёміўся са равеснікам і запрасіў яго да сябе дадому.

Менавіта тады госць і ўбачыў у доме гаспадара камп’ютарную тэхніку. У наступны раз новы знаёмы прыйшоў да першакурсніка ўжо са сваім сябрам.

Па матэрыялах расследавання, выпадковыя знаёмыя 19 і 17 гадоў забілі студэнта, пасля чаго паспрабавалі зымітаваць суіцыд.

Сыходзячы, злачынцы адкрылі канфорку газавай пліты, разлічваючы, што ў выніку адбудзецца выбух і пажар, якія знішчаць сляды злачынства.

З кватэры яны забралі камп’ютарную тэхніку і грошы. Неўзабаве маладыя людзі, падазраваныя ў забойстве, былі затрыманыя.

У бліжэйшы час будзе прызначаная дата пачатку судовага пасяджэння па рэзананснай крымінальнай справе.

Алена Сафронава, БелТА

Хочаш падзяліцца важнай інфармацыяй ананімна і канфідэнцыйна? Пішыце рэдактару «Нашай Нівы» ў ТГ