17 мая суддзя Першамайскага суда Мінска Юрый Гарбатоўскі разгледзеў адміністратыўную справу Васіля Парфянкова і пакараў яго штрафам у памеры трох мільёна рублёў. Актывіста прызнаны вінаватым паводле ч.2 артыкула 24.12 КоАП.
Парфянкоў, удзельнік «Плошчы-2010», 9 лютага быў вызвалены з арыштнага дому пры Баранавіцкім СІЗА № 6, дзе ён адбываў 6-месячны арышт за невыкананне умоваў прэвентыўнага нагляду, усталяванага судом Першамайскага раёна Менска. 4 красавіка суддзя гэтага ж суда Юрый Гарбатоўскі ізноў пакараў актывіста паводле ч.1 арт. 24.12 КаАП — штрафам у памеры васьмі базавых велічынь.
spring96.org
Хочаш падзяліцца важнай інфармацыяй ананімна і канфідэнцыйна?
Пішыце рэдактару «Нашай Нівы» ў ТГ
