На п'едэстал ён падняўся з украінскім сцягам, на якім было напісана слова «PEACE» («мір»).
«Я лічу, што ўсе ўкраінцы, у тым ліку і спартсмены, павінныя выкарыстоўваць усе свае магчымасці, каб падтрымаць краіну ў такі цяжкі час», — сказаў трэнер Андрэя Говарава Канстанцін Карташоў.
Адзначым, што Говараў з Крыма з'ехаў трэніравацца ў Днепрапятроўск, а пазней у спартыўны клуб у Італіі. Яго родныя і цяпер жывуць у Севастопалі.
Андрэй — член зборнай каманды Украіны па плаванні, майстар спорту міжнароднага класа, двухразовы чэмпіён Першых юнацкіх Алімпійскіх гульняў у Сінгапуры, двухразовы рэкардсмен Еўропы сярод юніёраў. На апошнім сусветным форуме, які мінулым летам прайшоў у іспанскай Барселоне, ён прабіваўся ў фіналы, але абмежаваўся пятым месцам.