У Беларусі ў першай палове гэтага тыдня будзе дажджліва.
Пра гэта паведаміў начальнік службы гідраметэаралагічных прагнозаў Рэспубліканскага гідраметэацэнтра Дзмітрый Рабаў 14 красавіка падчас відэабрыфінгу.
Паводле яго слоў, у першай палове тыдня чакаецца няўстойлівы характар надвор'я, якое будзе вызначаць паўночнаатлантычны цыклон.
У аўторак на большай частцы тэрыторыі дажджы, месцамі моцныя, магчымыя навальніцы.
Ноччу і раніцай у асобных раёнах слабы туман. Тэмпература ноччу плюс 2—7°С, днём ад плюс 6°С па паўночным захадзе да плюс 13°С па паўднёвым усходзе краіны.
У сераду на большай частцы тэрыторыі кароткачасовыя дажджы. Тэмпература ноччу мінус 1 — плюс 5°С, днём плюс 6—12°С, па Гомельскай вобласці месцамі да плюс 14°С.
З чацвярга фарміраванне надвор'я будзе ажыццяўляць заходні антыцыклон.
«Размываючы воблачнасць, ён зменіць напрамак паветраных цячэнняў і стане зацягваць больш цёплае паветра з поўдня Еўропы. Надвор'е палепшыцца, дажджы на большай частцы спыняцца, і ў краіну вернецца паступова цёплае і больш камфортнае надвор'е», — зазначыў сіноптык.
У чацвер пераважна без ападкаў. Ноччу і раніцай у асобных раёнах туман. Тэмпература ноччу мінус 3 — плюс 4°С, днём плюс 7—14°С.
У пятніцу пераважна без ападкаў. Ноччу і раніцай у асобных раёнах туман. Тэмпература паветра ноччу мінус 3 — плюс 3°С, днём плюс 10—16°С.
Як зазначыў Рабаў, «у выхадныя дні паўночныя і цэнтральныя раёны краіны застануцца ў вобласці павышанага ціску, у паўднёвых рэгіёнах адаб'ецца ўплыў малаактыўнага атмасфернага фронту. З усходнімі, паўднёва-ўсходнімі вятрамі чакаецца паступленне цёплых паветраных мас з поўдня Еўропы».
У суботу і нядзелю пераважна без ападкаў, толькі па поўдні месцамі кароткачасовыя дажджы. Ноччу і раніцай у асобных раёнах туман. Тэмпература ноччу плюс 2—7°С, у нядзелю па поўдні да плюс 10°С, днём плюс 13—18°С, у асобных раёнах да плюс 20°С.