Сёння ў Беларусі праходзяць суды на чальцамі зарэгістраванай у Чэхіі арганізацыі «Малады фронт», затрыманымі цягам 4—5 мая, паведамляе сайт арганізацыі.
Мікола Дземідзенка асуджаны на 20 сутак, фота Радыё Свабода
Затрыманага ў Мінску 5 мая Міколу Дземідзенку (Фрунзенскі раённы суд) сёння арыштавалі на 20 сутак — нібыта за дробнае хуліганства і непадпарадкаванне міліцыі. Супрацоўнікі міліцыі Крук і Зянько сьведчылі на судзе, што Дземідзенка спраўляў натуральную патрэбу ў грамадкім месцы і на заўвагі міліцыі не рэагаваў. Справу Демідзенкі разглядала суддзя Лапо
Андрусь Цянюта асуджаны Чыгуначным судом Гомеля на 10 сутак (абвiнавачванне па артыкуле КаАП 17.1: дробнае хулiганства).
Суд Ленінскага раёна Мінску арыштаваў Міхася Мускага на 20 сутак.
Зміцер Крамянецкі аштрафаваны на 2,25 млн рублёў (15 базавых велічыняў).