Акцыя салідарнасці з Украінай працягнулася ў паліцэйскіх аўтазаках.
Затрыманыя на мітынгу жыхары Масквы гучна спявалі гімн Украіны і знакамітую крычалкі футбольных фанатаў пра прэзідэнта Расіі.
Нагадаем, учора ўвечары маскоўская паліцыя пачала затрымліваць тых, хто сабраўся на акцыю ў падтрымку цэласнасці Украіны. Праваахоўныя органы цалкам ачапілі Лявонціеўскі завулак, дзе месціцца ўкраінская дыпмісія, і выціскалі тых, хто прыйшоў.
Паліцыянты патрабавалі сысці з праезнай часткі, выкрыкваючы ў мегафон: «Паніхіда скончылася». Актывісты ў адказ скандзіравалі: «Слава Украіне!» — «Героям слава!». Таксама расіяне, якія сабраліся, выкрыквалі: «Ганьба» і «Не забудземся, не прабачым».
Усяго на вечары памяці і смутку былі затрыманыя 30 чалавек. Паліцыя хапала ў асноўным тых, хто прыйшоў да амбасады з украінскімі сцяжкамі, жоўта-блакітнымі стужкамі і паветранымі шарыкамі. Затрымлівалі таксама іх апанентаў, якія павязвалі на агароджу амбасады георгіеўскія стужачкі.