Здабыча нафты ў Злучаных Штатах у ліпені перавысіла максімальны месячны ўзровень з 1987 года. Пра гэта ў аўторак паведаміла Кіраванне па энергетычнай інфармацыі пры Міністэрства энергетыкі ЗША. Паводле звестак кіравання, у ліпені ў краіне здабывалася ў сярэднім 8,5 мільёна барэляў нафты ў суткі, што перавысіла прагнозы спецыялістаў.
У дакладзе паведамляецца таксама, што ў 2015 годзе здабыча нафты ЗША дасягне самага высокага ўзроўню з 1972 года і складзе амаль 9,3 мільёна барэляў у суткі.
Дзякуючы росту ўнутранай здабычы нафты, ЗША значна знізіла імпарт гэтай сыравіны. Па дадзеных Міністэрства энергетыкі, спажыванне імпартнай нафты ў 2015 годзе знізіцца на 22 працэнты ў параўнанні з 2013 годам і на 60 працэнтаў у параўнанні з 2005 годам.
0
0
0
0
0
0
