Дэпутаты Вярхоўнай Рады абмяркуюць у панядзелак на сустрэчы з прэзідэнтам Украіны Пятром Парашэнкам ўвядзенне на ўсходзе краіны ваеннага становішча і змену выбарчай сістэмы.
Пра гэта паведаміў лідар найбуйнейшай ва ўкраінскім парламенце фракцыі «Бацькаўшчына» Сяргей Собалеў.
«Бацькаўшчына» хоча ўвядзення ў Данбасе ваеннага становішча, у адміністрацыі прэзідэнта цяпер супраць гэтага.
У чацвер Рада нацыянальнай бяспекі і абароны (РНБА) на экстранным пасяджэнні вырашыла, што ўводзіць ваеннае становішча ў краіне з-за сітуацыі на ўсходзе Украіны немэтазгодна.
«Дэпутаты ў 17.00 на сустрэчы з прэзідэнтам абмяркуюць ўвядзенне ваеннага становішча і змену выбарчай сістэмы», — сказаў Собалеў.
0
0
0
0
0
0
