Сепаратысты хочуць спыніць камунікацыю паміж абаронцамі Данецкага аэрапорта і асноўнымі сіламі ўкраінскай арміі, паведамляюць у прэс-цэнтры АТА раніцай 14 лістапада.
«Спрабуючы ўстанавіць кантроль над Данецкім аэрапортам баевікі засяродзілі свае дзеянні на спробах знішчыць камунікацыю паміж абаронцамі гэтага стратэгічнага аб'екта і асноўнымі сіламі АТА. За ноч баевікі неаднаразова вялі мінамётныя абстрэлы аэрапорта і нашых пазіцый у населеным пункты Пяскі», — гаворыцца ў паведамленні штаба антытэрарыстычнай аперацыі.
Там дадаюць, што напярэдадні ўвечары была чарговая спроба штурму аэрапорта, якую ўкраінскія байцы адбілі і захавалі кантроль над аб'ектам.
Працягваюцца абстрэлы ўкраінскіх пазіцый на Дэбальцаўскім плацдарме: «Уначы баевікі вялі артылерыйскія і мінамётныя абстрэлы ў раёне Нікішына, Міуса і Чарнухіна», — гаворыцца ў паведамленні АТА.
У прэс-цэнтры таксама дадаюць, што сітуацыя на поўдні зоны АТА ў раёне Марыўпаля «стабільная і кантраляваная».
