Група кубінскіх палітычных актывістаў была арыштаваная ў Гаване пры спробе правесці акцыю пратэсту ля гарадской турмы.
Арыштаваныя пратэставалі супраць затрымання ў апошнія дні вялікай колькасці кубінскіх дысідэнтаў. Як паведамляюць з кубінскай сталіцы, пачынаючы з аўторка, на Кубе былі арыштаваныя дзясяткі апанентаў рэжыму.
Мэтай масавага пратэсту, які так і не адбыўся, па словах кубінскіх дысідэнтаў, было праверыць, наколькі гатовыя ўлады ў Гаване да адкрытых палітычных акцый.
Кубінскія ўлады назвалі падрыхтоўку акцыі палітычнай правакацыяй.
Самая вядомая на Кубе апазіцыйная журналістка і блогер, заснавальніца апазіцыйнага кубінскага вэб-сайта Catorce y Medio, Ёані Марыя Санчас трапіла пад хатні арышт.
Арганізатар акцыі — мастачка і перформар Таня Бругера.
Сярод арыштаваных яе муж Рэйналда Эскабар, мастачка і перформар Таня Бругера, вядомы кубінскі дысідэнт Эліэсер Авіла.
Ёані Санчас і Рэйналда Эскабар — аўтары і рэдактары апазіцыйнага кубінскага сайта Catorce y Medio.
Рэйналда Эскабар, рэдактар гэтага сайта, быў адпушчаны праз некалькі гадзін пасля затрымання.
Усе гэтыя арышты не былі пацверджаныя кубінскімі ўладамі, і паведамленні пра іх не з'явіліся ў афіцыйнай кубінскай прэсе.
Арышты пачаліся праз два тыдні пасля таго, як Куба і ЗША заявілі пра гатоўнасць аднавіць дыпламатычныя адносіны і эканамічнае супрацоўніцтва.
З 1962 года Куба жыла ва ўмовах амерыканскай эканамічнай блакады.
Дзярждэпартамэнт ЗША выказаў заклапочанасць у сувязі з арыштамі і заявіў аб неабходнасці «працягваць аказваць ціск на кубінскі ўрад з тым, каб ён выконваў свае міжнародныя абавязацельствы».