vedomosti.ru
Пракуратура мяркуе, што да апазіцыянера Аляксея Навальнага павінна быць прызначана пакаранне ў выглядзе дзесяці гадоў пазбаўлення волі па сукупнасці прысудаў па справах «Іў Рашэ» і «Кіраўлес».
Пра гэта гаворыцца ў скарзе Генпракуратуры РФ, агучанай у аўторак, 17 лютага, суддзёй у Масгарсудзе.
У прыватнасці, у скарзе дзяржабвінавачання гаворыцца, што дзеянні братоў Навальных у рамках справы «Іў Рашэ» не могуць быць кваліфікаваныя як махлярства, звязанае з прадпрымальніцкай дзейнасцю.
Пракуратура адзначае, што прысуд Замаскварэцкага суда з'яўляецца празмерна мяккім, а фігурантаў варта ізаляваць ад грамадства.
Дзяржабвінавачанне настойвае, што Аляксею Навальнаму павінна быць прызначана пакаранне ў выглядзе дзесяці гадоў пазбаўлення волі, а яго брату Алегу — восем гадоў у калоніі агульнага рэжыму.
Разам з тым суд агучыў скаргі абаронцаў братоў Навальных. У прыватнасці, абарона абвінавачаных прыклала у дадатак да апеляцыйных скаргаў паказанні сведак па справе, пры гэтым у прысудзе паказанні сведак не прыведзеныя. Акрамя таго, паводле сцвярджэння абароны, матэрыялы для правядзення экспертыз былі дастаўлены экспертам непасрэдна следчым, у той час як эксперты з'яўляюцца асобамі, залежнымі ад боку абвінавачання.
Абаронцы падсудных лічаць, што Масгарсуд павінен цалкам апраўдаць іх.
Замаскварэцкі суд Масквы 30 снежня 2014 г. прызнаў братоў вінаватымі па справе «Іў Рашэ» і прысудзіў Аляксея Навальнага да 3,5 гадоў умоўна, а яго брата — да 3,5 года пазбаўлення волі ў калоніі агульнага рэжыму. Cуд перакваліфікаваў інкрымінаваныя фігурантам злачынствы як учыненыя ў сферы прадпрымальніцкай дзейнасці.
