Бельгійская кампанія LuGus Studios выдала для Android і настольных камп’ютараў бясплатную гульню «Battle For Donetsk».
У «Бітве за Данецк» гульцу прапануецца павесці ў бой на выбар украінскія войскі альбо войскі «ДНР».
Бой праходзіць у двухвымяровай прасторы — войскі па прамой ідуць адно на аднаго. Гулец мусіць абіраць, якія віды войск (салдат, медык, ракетчык ці танк) пойдуць у бой, а таксама калі і куды накіраваць дапамогу — артабстрэл ці медыкаменты.
Недасведчаны гулец наўрад ці хутка пераможа — найбольш верагодна, што канфлікт зацягнецца ў доўгую бойку на адным месцы.
«Наша мэта — павышэнне дасведчанасці аб канфлікце ў Украіне, — пішуць распрацоўшчыкі. — «Выцвярозны» характар гульні павінен даць сігнал для разважанняў».
Распрацоўшчыкі падкрэсліваюць, што вайна ва Украіне — не новая Халодная вайна, бо канфлікт пазбавіў жыцця як мінімум 6 тысяч людзей, пакінуў без жытла мільёны.
