tass.ru
Шэсце ў гонар Дня народнага адзінства праходзіць сёння ў цэнтры Масквы. Рух калоны пачаўся ад мэрыі расійскай сталіцы, дэманстранты пройдуць па Цвярской вуліцы да Тэатральнага праезда, дзе адбудзецца мітынг-канцэрт «Мы адзіныя!», паведамляе tass.ru.
На чале калоны ідуць сакратар Грамадскай палаты Аляксандр Брэчалаў, сакратар генсавета партыі «Адзіная Расія» Сяргей Нявераў, кіраўнік фракцыі адзінаросаў у Дзяржаўнай Думе Уладзімір Васільеў і лідар ЛДПР Уладзімір Жырыноўскі. Яны трымаюць расцяжку з лозунгам акцыі «Мы адзіныя!».
У першых шэрагах калоны ідуць прадстаўнікі традыцыйных расійскіх канфесій, паведамляе tass.ru. У акцыі бяруць удзел актывісты Маскоўскай федэрацыі прафсаюзаў, розных палітычных партый і грамадскіх арганізацый.
Дэманстранты, сярод якіх шмат студэнтаў, нясуць плакаты: «Усе за Расію, Расія за ўсіх!», «За адзінства ад Камчаткі да Крыма», «Калі мы адзіныя — мы непераможныя!».
***
Дзень народнага адзінства адзначаецца штогод 4 лістапада, пачынаючы з 2005 года. 7 лістапада ў Расіі адменена. Святочная дата з'явілася ў РФ у памяць аб падзеях 1612 года, калі народнае апалчэнне пад кіраўніцтвам Кузьмы Мініна і Дзмітрыя Пажарскага вызваліла Маскву ад войскаў Рэчы Паспалітай, у складзе якіх было шмат ураджэнцаў беларускіх земляў. Гістарычна гэтае свята ў Расіі звязана са сканчэннем Смуты XVII ст.
