Канада прадаставіць часовы прытулак грамадзянам, якім было адмоўлена ва ўездзе ў ЗША ў сувязі з указам прэзідэнта Дональда Трампа. Пра гэта заявіў міністр па пытаннях іміграцыі, бежанцаў і грамадзянства Канады Ахмед Хусейн, перадае Reuters.
«Дазвольце мне запэўніць тых, хто мог апынуцца ў цяжкім становішчы ў Канадзе, што я выкарыстоўваю свой аўтарытэт міністра для прадастаўлення часовага прытулку тым, хто ў гэтым мае патрэбу», — сказаў Хусейн.
Пры гэтым ён адзначыў, што кожная краіна мае права сама вызначаць сваю палітыку і ў цяперашні час Канада не збіраецца выходзіць з іміграцыйнага пагаднення з ЗША.
0
0
0
0
0
0