Фота Дар'і Буракінай
Мэты вучэнняў «Захад-2017» дасягнуты. Пра гэта Аляксандр Лукашэнка заявіў сёння журналістам пасля назірання за ходам беларуска-расійскіх вучэнняў «Захад-2017», паведамляе БелТА.
«Мэты, якія ставіліся, дасягнуты. Мы ўсе задачы поўнасцю рэалізавалі», — сказаў беларускі кіраўнік.
«Вучэнні праведзены згодна з зацверджанай задумай, пастаўленыя мэты дасягнуты, навучальныя пытанні адпрацаваны з добрай якасцю. На належным узроўні вырашаны задачы па сумеснай абароне ва ўмовах сучасных выклікаў і пагроз бяспекі», — падкрэсліў Аляксандр Лукашэнка.
Спроба дыскрэдытацыі беларуска-расійскіх вучэнняў была вельмі непрафесійнай, дадаў кіраўнік краіны.
0
0
0
0
0
0