Фота Сяргея Гудзіліна
Ігар Яўсееў і Аляксандр Субоцін прызначаныя адпаведна памочнікам прэзідэнта Беларусі — інспектарам па Мінскай вобласці і памочнікам прэзідэнта Беларусі — інспектарам па Віцебскай вобласці.
Адпаведнае кадравае рашэнне сёння прыняў Аляксандр Лукашэнка.
Апошняя пасада Ігара Яўсеева — старшыня УУС Мінскага аблвыканкама, а ў 2010-2011 гг. ён праславіўся жорсткім падаўленнем пратэстаў у Мінску. Таксама некаторы час узначальваў віцебскую абласную міліцыю.
Аляксандр Субоцін да свайго новага прызначэння працаваў намеснікам міністра сельскай гаспадаркі і харчавання — дырэктарам Дэпартамента ветэрынарнага і харчовага нагляду.
Яму 41 год, родам ён з Віцебска. Скончыў Віцебскую дзяржаўную акадэмію ветэрынарнай медыцыны, пазней вярнуўся туды ўжо выкладчыкам.
Пяць фактаў пра славутага міліцыянера Ігара Яўсеева, які стаў памочнікам Лукашэнкі па Мінскай вобласці
