Фота Сяргея Гудзіліна
У Мінску ў сувязі з правядзеннем пасяджэння Асноўнай групы Мюнхенскай канферэнцыі па пытаннях бяспекі 31 кастрычніка і 1 лістапада будзе часова абмяжоўвацца рух.
«У сувязі з правядзеннем у сталіцы пасяджэння Асноўнай групы Мюнхенскай канферэнцыі па пытаннях бяспекі і прыбыццём замежных дэлегацый 31 кастрычніка і 1 лістапада будзе часова абмяжоўвацца рух усіх відаў транспарту ў цэнтральнай частцы горада.
Сёння на час абмяжуюць рух па праспектах Пераможцаў, Незалежнасці і Партызанскім. Таксама абмежаванне закране вуліцы Каліноўскага і Усіхсвяцкай. А 1 лістапада - праспекты Пераможцаў і Незалежнасці, вуліцу Энгельса», — паінфармавалі ў ДАІ.
Дзяржаўтаінспекцыя просіць ўлічваць дадзеную інфармацыю пры выбары маршруту і спосабу руху.
