Жыхарка Уфы падала пазоў супраць «Укантакце» за прадастаўленне асабістай інфармацыі сілавікам, піша РІА Навіны.
«Суд Санкт-Пецярбурга зарэгістраваў пазоў аб кампенсацыі маральнай шкоды ў памеры 100 тысяч рублёў за разгалашэнне асабістай інфармацыі карыстальніка праваахоўным органам», - удакладніў суразмоўца агенцтва.
Гэта першы пазоў да адной з найбуйнейшых расійскіх сацыяльных сетак з гэтай нагоды.
Ці прымаць пазоў да разгляду, суд пакуль не вырашыў.
Інфармацыю з асабістай старонкі дзяўчыны ў «Укантакце» запытаў Цэнтр па супрацьдзеянні экстрэмізму МУС Башкірыі. Пры гэтым крымінальную справу супраць яе не пачыналі.
Ад сацсеткі паліцыя, па словах адваката, даведалася час і дату стварэння старонкі, асабістыя дадзеныя пры рэгістрацыі, а таксама IP-адрас. Гэтыя звесткі былі накіраваныя ў Роскамнадзор, які запытаў інфармацыю пра ўдзельнікаў адной з груп «Укантакце», заявіў суразмоўца агенцтва.
Дзяўчына адмовілася адказваць, за што супраць яе распачалі адміністрацыйную справу, сказаў абаронца. З матэрыялаў справы яна і даведалася пра запыт.
