Святлана Даўгуненка, аграном з Воранаўскага раёна, летась пераехала рабочую, якая ў працоўны час заснула на дарозе. Святлану судзілі, далі 3 гады хатняй хіміі і пастанавілі сплаціць пацярпелай 45 тысяч рублёў.
У выніку, Даўгуненка была не згодная з прысудам і падала апеляцыю. Цікава, што не пагадзілася з прысудам і пацярпелая — рабочая прасіла 50 тысяч кампенсацыі і каб «хімію» аграном адбывала не дома, а ў выпраўленчай установе.
Гродзенскі суд разгледзеў апеляцыю — і пакінуў старое рашэнне ў сіле. Але ж адразу амніставаў Святлану Даўгуненка.
Таксама суму кампенсацыі зменшылі да 15 тысяч рублёў.
Праўда, і гэтае рашэнне сям’я Даўгуненкаў хоча абскардзіць: па-першае, і сума ўсё ж не малая, а па-другое, яны хочуць каб у інцыдэнце высветлілі і віну самой пацярпелай — бо спаць на дарозе ў працоўны час усё ж нельга, кажа Уладзімір Даўгуненка, муж Святланы.
