Шведскую экаактывістку Грэту Тунберг другі раз намінавалі на Нобелеўскую прэмію міру. Пра гэта піша New York Post.
Кандыдатуру 17-гадовай школьніцы вылучылі два шведскія заканадаўцы — Енс Холм і Хакан Свенелінг, члены Левай партыі краіны. Яны прапануюць ацаніць працу Тунберг, якая дапамагла многім палітыкам расплюшчыць вочы на кліматычны крызіс. Па іх словах, актывізм школьніцы па скарачэнні выкідаў і захаванні Парыжскага пагаднення па клімаце таксама з'яўляецца актам ўстанаўлення міру.
У 2019 годзе кандыдатуру Тунберг на Нобелеўскую прэмію міру прадставілі два шведскія і тры нарвежскія палітыкі за ўклад у рух па барацьбе з глабальным пацяпленнем.
У тым годзе Нобелеўскую прэмію міру атрымаў прэм'ер-міністр Эфіёпіі Абій Ахмед Алі.
0
0
0
0
0
0
