Затрымалі п'янага бяспраўніка ў вёсцы Велута Лунінецкага раёна ўвечары 23 лютага. Увагу супрацоўнікаў ДАІ прыцягнуў «Аўдзі 80», які віляў па баках. Па патрабаванні інспектараў кіроўца спыніўся. Ён быў нецвярозы, паведамляе абласная ДАІ.
Мужчыну даставілі ў раённую бальніцу для праходжання медыцынскага агляду. Вынік — 5,4 праміле. Такая канцэнтрацыя алкаголю лічыцца цяжкім атручэннем, пры якім можа наступіць смерць.
На кіроўцу склалі адміністрацыйныя пратаколы за кіраванне аўто ў стане алкагольнага ап'янення і без права кіравання.
Бяспраўнік з Лунінецкага раёна паставіў новы алкагольны антырэкорд вобласці. Ды яго лідарам у гэтым рэйтынгу быў матацыкліст са Столінскага раёна: у яго было 4,8 праміле.
0
0
0
0
0
0
