Эксперты з краін Еўрасаюза падрыхтавалі папярэдні спіс асоб, супраць якіх будуць уведзеныя санкцыі за гвалт у дачыненні да пратэстуючых і фальсіфікацыі выбараў у Беларусі, піша Польскае радыё.
У спіс ўвайшлі 17 чалавек, пры гэтым Аляксандра Лукашэнкі ў ім не аказалася.
Спіс, верагодна, будзе ўхвалены на наступным тыдні пасламі краін ЕС, пасля чаго яго афіцыйна ўжо зацвердзяць на ўзроўні міністраў.
Паведамляецца, што падрыхтаваны спіс застаецца адкрытым, а гэта значыць, што ў яго ў любы час могуць быць дададзеныя новыя імёны. Патэнцыйна ў яго могуць увайсці нават 30 чалавек.
Запланаваныя санкцыі супраць адказных за гвалт і фальсіфікацыі ў Беларусі прадугледжваюць забарону на ўезд у краіны ЕС і замарожванне фінансавых актываў у еўрапейскіх банках.