Скрыншот: стрым Цапкалы

У стрыме з Цапкалам удзельнічалі палітолаг Дзмітрый Балкунец, давераная асоба Ціханоўскай на мінулых выбарах Алег Маісееў і спявачка Анжаліка Агурбаш.

Апошняя выказала шмат прэтэнзій на адрас офіса. Яна не згодная з тым, што Ціханоўская называе сябе дэмакратычным лідарам, бо людзі галасавалі не за яе, а за транзіт улады.

«А мы выбіралі дэмакратычнага лідара, мы давалі ёй такія паўнамоцтвы? Потым з’явіліся нейкія людзі ў яе атачэнні — Кавалеўскі, Франак Вячорка. Мы наогул не ведалі, адкуль яны ўзяліся. Хто гэтыя людзі, хто за імі стаіць, хто арганізуе гэтыя сустрэчы самага высокага ўзроўню?» — кажа спявачка.

«У нас ёсць самазванка з групай самазванцаў, якіх мы не выбіралі — яны захапілі гэтае дэмакратычнае лідарства і ўмела ім карыстаюцца, збіраючы гранты, магчымасці, цудоўна сябе пры гэтым адчуваюць», — абвінавачвае штаб Агурбаш.

Незалежныя медыя яна называе прыдворнымі, бо тыя даўно не запрашаюць яе ў эфір.

Спявачка прапануе, як можна было б вызваліць палітвязняў: «Ужо як мінімум за санкцыі можна было паставіць ультыматум аб выпуску палітвязняў, хаця б жанчын, студэнтаў».

Цапкала лічыць, што закладнікаў варта выкупаць і вінаваціць офіс у тым, што той гэтага не робіць:

«Лукашэнка ж казаў Бабарыку: дай мне 15 мільёнаў, і я цябе адпушчу. Ён тэрарыст: захапіў людзей і трымае іх у якасці закладнікаў. Можна ўзяць дзясятую частку з таго, што было выдзелена для Беларусі, і выкупіць жанчын, выкупіць тую ж Марыю Калеснікаву. Гэта ж ніхто нават не абмяркоўвае».

Цапкала раней збіраў грошы на арышт Лукашэнкі. Для гэтых мэтаў на рахунку зарэзервавана паўмільёна еўра.

Тое, што людзей саджаюць, выгадна офісу, запэўнівае Агурбаш, «таму што ў іх ёсць магчымасць крычаць пра рэпрэсіі і збіраць грошы».

«Мне вось таксама патрэбная дапамога, у мяне, апроч іншых, і эканамічны артыкул, мне павесілі шмат мільёнаў рублёў, у мяне заблакаваныя ўсе рахункі, усё арыштавана», — скардзіцца спявачка, якая жыве ў Маскве.

Агурбаш выказвае і іншыя крыўды на Ціханоўскую — што тая не тэлефануе ёй, не падтрымлівае (і наогул нікому не дапамагае), не рэпосціць яе допісы, запрашэнне на жнівеньскую канферэнцыю не даслала.

«Слухайце: ну я ж не іголка ў стозе сена — я публічны чалавек!»

Валерый Цапкала праанансаваў, што да канферэнцыі дэмсіл яны выпусцяць расследаванне пра тое, на што ідуць грошы офіса. І дадаў, што Вячорка заклікаў данаціць на офіс, а не на «Байрактары» (насамрэч, у відэа, якое згадваецца, Вячорка казаў, што беларусам варта падтрымліваць не толькі ўкраінцаў, але і саміх сябе — напрыклад, зборы на праваабаронцаў і палітвязняў).

Удзельнікі стрыму падсумавалі, што дэмсілам варта аб’ядноўвацца. Але, як вынікае, Ціханоўскую ў гэтае аб’яднанне не клікаць.

«Ёй па прыколу ціснуць рукі, выкладваюць фатаграфіі», — пракаментаваў Цапкала візіты Ціханоўскай за мяжу.

Звяртае на сябе ўвагу тое, што падчас стрыму ўдзельнікі цытуюць фразы па-беларуску ў здзеклівай манеры.

Чытайце таксама:

Зянон Пазняк: Пазнаёмлюся з Ціханоўскай, калі яе арыштуюць у вольнай Беларусі

Матолька назваў Латушку далб**бам, той пайшоў па падтрымку ў фэйсбук — скандал

Пракоп'еў хоча прыставіць да Ціханоўскай прэм'ера, «якога ведае ўся Украіна»

Клас
Панылы сорам
Ха-ха
Ого
Сумна
Абуральна

Хочаш падзяліцца важнай інфармацыяй ананімна і канфідэнцыйна?

3
Турчын / Адказаць
25.07.2022
Ну теперь все понятно с этим квартетом. Тихановская правильно делает, что не вступает в беседы. Жаль, что это происходит у белорусов.
4
Satan / Адказаць
25.07.2022
Может и миллиарды еще ему дать? Что-то слишком многие уже перевернули страницу. Белавия откройте! Жд откройте! Простите, может пойти и сразу сесть на бутылку в губопик? Нет, если вы хотите... я ща бутылку бурбона допью и могу вам отдать бутылку.
3
BLR / Адказаць
25.07.2022
Што гэта за людзі? Хто яны? Яны ж па-беларуску два слова ведаюць. Ну там Масква з усіх вушэй тырчыць
Паказаць усе каментары/ 45 /
Каб пакінуць каментар, калі ласка, актывуйце JavaScript у наладах свайго браўзеру