Фота: pixabay.com

Калі вада з-пад крана ці з крамы нібыта мае салодкі прысмак, гэта можа быць сімптомам цукровага дыябету. Пры ім парушаецца выдзяленне інсуліну і кантроль узроўню цукру ў крыві. Дыябет, які не лечаць, вядзе да павышэння ўзроўню глюкозы, што можа выклікаць салодкі смак у роце. Калі гэта ваш выпадак, вы адчуеце гэты смак, калі вып’еце крыху вады.

Салодкі фруктовы пах і смак могуць таксама быць прыкметамі ўскладненняў дыябету. Адно з іх — кетаацыдоз, непасрэднае наступства дэфіцыту інсуліну ў арганізме. Калі інсуліну не хапае, цела не можа выкарыстоўваць цукар як паліва для сябе і вырабляе энергію з тлушчу. У выніку ў арганізме назапашваюцца кіслоты пад назвай кетонавыя целы, павышаецца ўзровень ацэтону. Сярод магчымых наступстваў — кома і смерць.

Салодкі смак вады можа быць наступствам не толькі дыябету, але і іншых хвароб, у тым ліку вірусных, прыёму некаторых лекаў, асаблівасцяў дыеты (нізкавугляводныя дыеты таксама спрыяюць таму, што вада робіцца салодкай).

Нават звыклыя хваробы накшталт прастуды, грыпу ці запалення пазух могуць прывесці да таго, што ў сліне будзе больш глюкозы, адсюль з’явіцца і салодкі смак у роце.

Пашкоджанне нервовай сістэмы здольнае змяніць тое, як чалавек адчувае смак. Людзі, якія перажылі інсульт, часта распавядаюць пра блытаніну ў адчуваннях, у тым ліку ў адчуванні смаку і паху. На салодкі ці металічны смак на вуснах скардзяцца некаторыя пацыенты з пякоткай, яго прычына — вяртанне змесціва страўніка ў стрававод і ажно да рота.

Цяжарнасць выклікае змены ў гарманальнай і стрававальнай сістэмах жанчыны, што таксама можа прывесці да блытаніны ў смаках ды пахах. На такое здольныя і некаторыя лекі — напрыклад, тыя, што выкарыстоўваюцца пры хіміятэрапіі. Нарэшце, пухліны ў лёгкіх ці дыхальных шляхах могуць уплываць на выраб гармонаў і такім чынам таксама спрыяць зменам у смаку.

Смак вады таксама залежыць ад крыніцы, адкуль яна да нас трапляе, і нават ад посуду, з якога вы п‘ёце гэтую ваду, асабліва калі вы толькі што дасталі гэты посуд з пасудамыйкі.

Чаму нельга двойчы карыстацца пластыкавымі бутэлькамі

Колькі вады насамрэч трэба піць

Клас
Панылы сорам
Ха-ха
Ого
Сумна
Абуральна

Хочаш падзяліцца важнай інфармацыяй ананімна і канфідэнцыйна?

3
Satan / Адказаць
07.08.2022
"Смак вады таксама залежыць ад крыніцы, адкуль яна да нас трапляе, і нават ад посуду, з якога вы п‘ёце гэтую ваду, асабліва калі вы толькі што дасталі гэты посуд з пасудамыйкі." С этого надо было и начинать! А то вот я пил воду в Беларуси... и ощущал сильный вкус железа... как будто гвоздь грызу. Что же у меня за болезнь, что же??? Да, нет, просто вода былa ржавая цвета кока-колы. А вот в Чехии пью воду из крана и никаких вкусов нет. Но от той воды и накипи в чайнике за год нет. А в Польше тут... ну, не трэш из Беларуси кнч, но без фильтра не пьем. И накипь моментом в чайнике.
10
які грунтоўны навуковы артыкул. дзякуй / Адказаць
07.08.2022
после прочтения захотелось пойти попить воды
из унитаза.
уважаемый Автор, не подскажете, о чем говорит такой симптом?
2
в ада / Адказаць
07.08.2022
Satan, дык шо вы там робіце тады ў той Польшчы? не разумею. і бары не тыя, і не тая вада... няўжо клубнічку ? Оо
Паказаць усе каментары/ 11 /
Каб пакінуць каментар, калі ласка, актывуйце JavaScript у наладах свайго браўзеру