Святлана ўжо 12 гадоў мае білет рыбака, а муж атрымаў квіток гадоў з 20 таму. У той дзень жанчына лавіла на спінінг, адчула паклёўку, але дастаць улоў самой ёй было не пад сілу. Нейкі час яна спрабавала справіцца самастойна, але потым паклікала мужа і перадала яму спінінг. Той адразу зразумеў, што клюнуў не шчупак і што вага трафею, калі яго ўдасца выцягнуць, будзе велізарнай.

«Каля 30 хвілін доўжылася барацьба! Ён (сом) то падымаўся, то зноў апускаўся на дно ракі, — расказвае Святлана. — Гружаную лодку і двух чалавек у ёй ён з лёгкасцю перасоўваў па рацэ на 500 метраў у адзін і другі бок. У спінінг былі настолькі моцныя ўдары, што, здавалася, ён проста вываліцца з рук.

Калі я ўжо была не ў сілах трымаць спінінг і змотваць катушку, усё гэта перадала ў моцныя рукі мужа. У працэсе ён у нейкі момант ужо думаў, што прыйдзецца адпусціць гэтага монстра. І раптам ён усплыў на паверхню, а мы спрытным рухам падсака завялі рыбу ў яго і рыўком закінулі ў лодку.

Эмоцыі перапаўнялі, проста не верылася, што мы гэта зрабілі!»

Вага сома склала 47 кілаграмаў 600 грамАЎ, а даўжыня — 186 см! Але як транспартаваць такую вялікую рыбіну?

«Гэта было зусім нялёгкай задачай. Ён быў настолькі цяжкі і вялікі. Мы разам з мужам пагрузілі яго ў чахол з-пад лодкі, бо ў нас былі толькі невялікія пакеты. Мы нават не разлічвалі на такі ўлоў. Потым сома разабралі і пачаставалі ўсіх сваякоў.

«Муж кажа, што я пабіла ўсе рэкорды сярод яго знаёмых», — кажа Святлана.

Клас
Панылы сорам
Ха-ха
Ого
Сумна
Абуральна

Хочаш падзяліцца важнай інфармацыяй ананімна і канфідэнцыйна?

1
Дзіч / Адказаць
05.10.2022
Барбарства, а яго яшчэ апісваюць, каб увесь сьвет ведаў.
0
аў / Адказаць
05.10.2022
нават слова Улоў напісалі з вялікай літары...  вох ужо мне гэтыя рыбакі... шкада рыбку
Каб пакінуць каментар, калі ласка, актывуйце JavaScript у наладах свайго браўзеру