Фота: агенцтва «Ваяр»
Галоўнай мэтай праверкі застаецца вызначэнне здольнасці падраздзяленняў Узброеных сіл выконваць задачы па прызначэнні ва ўмовах хуткіх змен абстаноўкі.
Паведамляецца, што войскам трэба будзе дзейнічаць у розных умовах: пераадольваць водныя перашкоды, адпрацоўваць вучэбна-баявыя задачы днём і ноччу як на палігонах, участках мясцовасці, так і ў населеных пунктах.
Пільная ўвага будзе нададзеная стану тэхнікі і ўзбраення, а таксама рабоце сістэм забеспячэння.
У Мінабароны падкрэсліваюць, што раптоўная праверка ўключае ў сябе праверку дзеянняў ваеннаабавязаных у перыяд ваеннага часу. У сувязі з чым ваенныя камісарыяты прыступілі да актыўнай працы па прыёме асабовага складу.