Чарга з аўтобусаў перад пунктам пропуску «Брэст». Фота: тэлеграм-канал «Варшаўка Граніца Брэст — Тарэспаль»
Травень пачалі без чэргаў
Найбольш напружаным пунктам пропуску застаецца «Брэст—Тарэспаль», які пасля закрыцця «Баброўнікаў» стаў адзіным пунктам на мяжы з Польшчай, прызначаным для руху пасажырскага транспарту.
Беларусы, якія ў другой палове красавіка перасякалі беларуска-польскую мяжу на аўтобусе, кажуць, што дарога ад Брэста да Варшавы займае каля 8-9 гадзін. У горшых выпадках на гэта можа сысці да 12-15 гадзін.
Тыя, хто ехаў у апошніх чыслах красавіка, ужо дабіралася ад Брэста да Варшавы ўсяго за 5-6 гадзін.
Карыстальнікі адмысловых чатаў кажуць, што калі на сайце Дзяржпагранкамітэта пазначаная чарга з каля 5 аўтобусаў, то пераход мяжы звычайна займае каля 5 гадзін.
Адна гадзіна замест пяці
Пры гэтым, як адзначаюць падарожнікі, у першых чыслах траўня сітуацыя палепшылася. Напрыклад, у ноч з 3 на 4 траўня на мяжы з Польшчай не было чэргаў з аўтобусаў, таму на праходжанне спатрэбілася крыху больш за гадзіну. Дзякуючы гэтаму, аўтобус рухаўся згодна з раскладам, што для цяперашняга часу, хутчэй, выключэнне, чым норма.
Пра хуткае перасячэнне мяжы казалі і іншыя беларусы, якія ехалі праз «Брэст—Тэрэспаль» на пачатку тыдня. Людзі кажуць, што перасеклі мяжу менш, чым за 2 гадзіны. Ёсць тыя, хто 2 траўня перасякаў мяжу на аўтобусе за 1 гадзіну 20 хвілін, хоць у папярэднія паездкі на гэта сыходзіла ад 4 да 6 гадзін. Беларусы, у якіх атрымалася прайсці мяжу менш, чым за 2 гадзіны адзначаюць, што гэта быў іх асабісты рэкорд за апошнія месяцы.
Чэргі вяртаюцца?
Пачынаючы з 4 траўня зноў пачалі збірацца чэргі. Так, па стане на 16 гадзін чацвярга на мяжы з Польшчай было болей за 10 аўтобусаў. Верагодна, што пераход мяжы за 1-2 гадзіны застанецца толькі ва ўспамінах тых, хто перасякаў яе падчас доўгіх выхадных у Польшчы. На іншых пунктах пропуску чэргаў з аўтобусаў няма.
Скрыншот з сайта gpk.gov.by
Што тычыцца іншага віду транспарту, то найбольшыя чэргі на выезд цяпер складаюцца з легкавых аўто. Агулам у чаканні выезду з Беларусі ў другой палове чацвярга стаяла больш за 600 легкавікоў, 280 з іх у Брэсце.
З грузавым транспартам сітуацыя выглядае менш напружанай. Усяго на выезд з Беларусі ўчора пасля абеду сабралася каля 300 грузавікоў. Найбольш загружаным застаецца пункт пропуску «Камены лог», што на мяжы з Літвой, там чакала больш за 150 фур.
«Зялёная карта» хутка ўсё. Як будуць афармляцца страхавыя полісы на аўто для выезду за мяжу?
Еўрапейскія перавозчыкі губляюць цікавасць да запраўкі ў Беларусі. Чаму?
