Уладзімір Пуцін з прэзідэнтам ПАР Сірылам Рамафоса падчас візіту ў Расію афрыканскіх лідараў з міратворчай місіяй 17 чэрвеня 2023 года. Фота: Ramil Sitdikov / Photo host Agency RIA Novosti via AP
Паводле паўднёваафрыканскага палітыка, расійскі бок адхіліў гэтую ідэю, і цяпер працягваюцца перамовы аб фармаце ўдзелу Пуціна, у дачыненні да якога Міжнародны крымінальны суд у Гаазе выдаў ордар на арышт.
Як краіна — член Міжнароднага крымінальнага суда, ПАР абавязаная арыштаваць Пуціна ў выпадку яго паездкі на саміт, які можа стаць першым буйным міжнародным мерапрыемствам расійскага прэзідэнта з пачатку вайны.
«Мы разумеем, што звязаныя Рымскім статутам, — сказаў Машаціле. — Але мы не можам запрашаць кагосьці, а пасля яго арыштоўваць. Вы можаце зразумець нашу дылему. Мы будзем шчаслівыя, калі ён не прыедзе».
Спрабуючы выйсці са становішча, улады ПАР прапанавалі перанесці саміт у Кітай, але сустрэлі адмову з боку Індыі і Бразіліі. Ідэя правесці мерапрыемства ў віртуальным фармаце не задаволіла ўжо чатырох членаў БРІКС.
Гэтая далікатная міжнародная сітуацыя ўзнікла ў выніку таго, што 17 сакавіка 2023 года Міжнародны крымінальны суд у Гаазе выдаў міжнародныя ордары на арышт прэзідэнта Расіі Уладзіміра Пуціна і ўпаўнаважанай па правах дзіцяці Марыі Львовай-Бяловай. Яны, як сцвярджаецца, нясуць адказнасць за ваеннае злачынства — незаконную дэпартацыю дзяцей і іх незаконнае перамяшчэнне з акупаваных тэрыторый Украіны на тэрыторыю Расійскай Федэрацыі.
У канцы красавіка прэзідэнт ПАР зрабіў рэзанансную заяву аб тым, што краіна плануе выйсці з-пад юрысдыкцыі Міжнароднага крымінальнага суда з-за сітуацыі з Пуціным. Аднак пазней у офісе кіраўніка афрыканскай дзяржавы абверглі гэтыя словы як сказаныя нібыта памылкова.
Чытайце таксама:
Прэзідэнт ПАР назваў 10 пунктаў мірнага плана па ўрэгуляванні канфлікту паміж Украінай і Расіяй
