Фота: technosovet.ru, pixabay.com. Калаж «Нашай Нівы»
Калі няма толькі інтэрнэту, то можна дасылаць шыфраваныя СМС. Для гэтага «Кіберпартызаны» адмыслова стварылі праграму «П-SMS» для Android. Яна дазваляе дасылаць і атрымліваць СМС, зашыфраваныя паролем.
На выпадак, калі сувязі зусім не будзе, можна скарыстацца месенджарам Briar. Сярод абмежаванняў — ён не дазваляе здзяйсняць званкі або дасылаць фота, а таксама даступны толькі для Android.
Існуе і даволі папулярная альтэрнатыва Briar — месенджар Bridgefy. Ён даступны для Android і iOS, але мае тыя ж абмежаванні і даволі шмат рэкламы. Ім карысталіся пратэстоўцы ў Ганконгу падчас адключэнняў інтэрнэту.
Магчыма абысці любую блакіроўку, але часта гэта патрабуе дадатковых ведаў і навыкаў. Рыхтавацца да магчымых блакіровак лепш загадзя, чым спрабаваць разабрацца «на хадзе», калі гэта ўжо здарылася.
