Комплекс «Іскандэр», які можа несці ядзерную зброю. Фота: «Ваяр»

Комплекс «Іскандэр», які можа несці ядзерную зброю. Фота: «Ваяр»

Размяшчэнне тактычнага ядзернага ўзбраення Расіі ў Беларусі ідзе па плане, пра гэта заявіў намеснік кіраўніка МЗС РФ Сяргей Рабкоў, піша «Спутнік».

Кіраўнікі абаронных ведамстваў Беларусі і Расіі Віктар Хрэнін і Сяргей Шайгу 25 мая падпісалі дакументы аб парадку ўтрымання расійскай ядзернай зброі ў спецыяльным сховішчы на беларускай тэрыторыі.

Беларускія лётчыкі і ракетчыкі прайшлі спецыяльную падрыхтоўку ў Расіі, каб атрымаць навыкі абыходжання са спецыяльным відам узбраенняў.

Плануецца, што ў Беларусі будуць знаходзіцца тактычныя ядзерныя зарады, якія могуць размяшчацца на Су-25 і АТРК «Іскандэр-М».

***

25 сакавіка Пуцін заявіў, што ў Беларусі будзе размешчана ядзерная зброя.

25 мая Віктар Хрэнін і Сяргей Шайгу падпісалі дакументы, якія вызначаюць парадак утрымання расійскай нестратэгічнай ядзернай зброі ў спецыяльным сховішчы на тэрыторыі Беларусі. Планавалася, што зброя будзе завезена да 6 ліпеня.

16 чэрвеня Уладзімір Пуцін заявіў, што першыя тактычныя ядзерныя снарады былі дастаўленыя ў Беларусь, дадаўшы, што да канца лета РФ гэтую працу выканае цалкам.

27 чэрвеня Лукашэнка сказаў, што большая частка расійскай тактычнай ядзернай зброі завезеная ў Беларусь.

22 ліпеня амерыканская разведка заявіла, што ў Беларусь завезена першая партыя тактычнай ядзернай зброі.

15 жніўня Лукашэнка заявіў, што размяшчэнне тактычнай ядзернай зброі ў Беларусі — гэта «адэкватная рэакцыя» на «паскораную мілітарызацыю Усходняй Еўропы».

Чытайце таксама:

Амерыканская разведка лічыць, што расійская ядзерная зброя ўжо ў Беларусі — CNN

Лукашэнка назваў ужо новыя тэрміны пастаўкі ў Беларусь ядзернай зброі. Яны ўвесь час ссоўваюцца

Наяўнасць расійскіх ядзерных зарадаў на тэрыторыі Беларусі ўжо цяпер малаімаверная — Генштаб УСУ

Клас
Панылы сорам
Ха-ха
Ого
Сумна
Абуральна

Хочаш падзяліцца важнай інфармацыяй ананімна і канфідэнцыйна?