Загінулы кіраўнік ПВК «Вагнер» Яўген Прыгожын у мінулым прыносіў ежу не толькі Пуціну, але таксама і яго высокім гасцям, сярод якіх быў тагачасны прэзідэнт ЗША Джордж Буш. Здымак зроблены падчас саміту G8 у Санкт-Пецярбургу, 2006 год. Фота: Sergei Zhukov / AP

Загінулы кіраўнік ПВК «Вагнер» Яўген Прыгожын у мінулым прыносіў ежу не толькі Пуціну, але таксама і яго высокім гасцям, сярод якіх быў тагачасны прэзідэнт ЗША Джордж Буш. Здымак зроблены падчас саміту G8 у Санкт-Пецярбургу, 2006 год. Фота: Sergei Zhukov / AP

Былы прэзідэнт ЗША Джордж Буш «са здзіўленнем успомніў», што калісьці яго асабіста абслугоўваў загінулы кіраўнік ПВК «Вагнер» Яўген Прыгожын. Буш вырашыў падзяліцца гэтымі ўспамінамі, калі на мінулых выхадных яго аб гэтым адкрыта спыталі журналісты выдання The Washington Post.

Па словах былога прэзідэнта ЗША, той дакладна не памятае сустрэчы з Прыгожыным, але не здзіўлены ягонай смерцю. Буша больш шакуе той факт, што Прыгожын калісьці падаваў яму ежу.

«Мяне не здзівіла ягоная смерць. Мяне больш шакавала тое, што днямі я ўбачыў свой фотаздымак з саміту G8 у Санкт-Пецярбургу, дзе гэты чалавек падаваў мне ежу. Ён быў кухарам Пуціна. 

Ведаю толькі тое, што я выжыў пасля сустрэчы з ім», — успамінае з іроніяй Джордж Буш.

Самога Пуціна былы прэзідэнт ЗША ахарактарызаваў як «хітрага палітыка, які не баіцца выкарыстоўваць уладу». На думку Буша, Пуцін стаў яшчэ больш магутным, чым гэта было падчас ягонага прэзідэнцтва.

«З часоў майго прэзідэнцтва Пуцін стаў яшчэ больш магутным, але цяпер ён адкусіў больш, чым зможа праглынуць. Перажыве ён паражэнне ў вайне ва Украіне ці не — вырашаць расіянам, бо яны разумныя людзі», — адзначыў Джордж Буш.

Ён таксама дадаў, што ЗША і іншыя краіны павінны працягваць падтрымліваць Украіну ў яе барацьбе супраць Расіі і даць украінцам усё, што патрэбна для іх перамогі.

Чытайце таксама:

Больш за палову лагера ПВК «Вагнер» пад Асіповічамі дэмантавалі — Беларускі Гаюн

Пасля смерці Прыгожына разгарнулася барацьба за яго спадчыну

Пуцін назваў памылкай савецкае ўварванне ў Венгрыю і Чэхаславакію

Захад хоча выцягнуць Навальнага ў рамках абмену зняволенымі з Расіяй — The Wall Street Journal

Клас
Панылы сорам
Ха-ха
Ого
Сумна
Абуральна

Хочаш падзяліцца важнай інфармацыяй ананімна і канфідэнцыйна?