Палесцінцы бягуць у паўднёвую частку сектара Газа пасля таго, як ізраільская армія выпусціла папярэджанне аб эвакуацыі цягам 24 гадзін. Фота: Hatem Moussa / AP
Ізраіль заклікае жыхароў сектара Газа эвакуявацца на поўдзень сектара ў суботу паміж 10:00 і 16:00 па мясцовым часе, выкарыстоўваючы два канкрэтныя маршруты — шашу Далдул і Аль-Сана, піша Бі-бі-сі.
Па словах прадстаўніка ЦАХАЛ Авіхая Адраі, праехаць у гэты прамежак часу гэтым шляхам будзе цалкам бяспечна.
У асноўным заклік тычыцца жыхароў двух гарадоў: Бейт-Хануна і Хан-Юніса, якія могуць стаць першымі цэлямі ізраільскай наземнай аперацыі.
Хан-Юніс знаходзіцца на поўдні, а Бейт-Ханун — на поўначы сектара Газа. Фота: Google.maps
Учора ЦАХАЛ прапаноўваў жыхарам поўначы сектара Газа эвакуявацца цягам 24 гадзін.
Чытайце таксама:
Барэль: Немагчыма перасяліць мільён чалавек за 24 гадзіны
ХАМАС падзякаваў Пуціну за пазіцыю наконт сектара Газа
ЦАХАЛ: У сектары Газа ліквідаваны адзін з арганізатараў «суботняй разні»
