Аляксандр Лукашэнка працягвае знаходзіцца ў Турцыі з рабочым візітам.
Як паведаміў кіраўнік прэс-службы прэзідэнта Павел Лёгкі, 5 кастрычніка ў кіраўніка дзяржавы запланаваны шэраг сустрэч. «Сёння сустрэчы, якія праходзяць без удзелу прэсы. Прэзідэнт сустрэнецца з дзелавымі коламі і некаторымі афіцыйнымі асобамі Турцыі», — сказаў Лёгкі.
Паводле яго слоў, чакаецца, што сёння Лукашэнка вернецца ў Мінск.
Як паведамлялася раней, прэзідэнт знаходзіцца ў Турцыі з 2 кастрычніка. Там у яго ўжо адбыліся сустрэчы з прэм’ер-міністрам Турцыі Рэджэпам Таіпам Эрдаганам і прэзідэнтам гэтай краіны Абдулой Гюлем. Апрача таго, Лукашэнка сустрэўся з Канстанцінопальскім патрыярхам Варфаламеем.
Таццяна Каравянкова, БелаПАН
Хочаш падзяліцца важнай інфармацыяй ананімна і канфідэнцыйна?
Пішыце рэдактару «Нашай Нівы» ў ТГ