За каго з прэтэндэнтаў на пасаду прэзідэнта паставілі свае подпісы мінчане? Як ставяцца жыхары сталіцы да таго, што Белтэлерадыёкампанія прапанавала праводзіць тэледэбаты кандыдатаў на вышэйшую дзяржаўную пасаду не ў прамым эфіры, а ў запісе? Гэтыя пытанні задалі мінакам на вуліцах беларускай сталіцы карэспандэнты БелаПАН.
Пажылая жанчына: «Я ведаю, што Лукашэнка будзе прэзідэнтам. Таму што ён — добры чалавек, гаспадар у доме і наогул. За Лукашэнку я і падпісалася».
Дзяўчына: «За Аляксандра Лукашэнку».
Малады мужчына: «
Пажылы мужчына: «Лепш было б у прамым эфіры — каб паглядзелі людзі, паслухалі».
Пажылы мужчына: «Вядома, больш цікава слухаць чалавека, калі ён гаворыць без падрыхтоўкі, сам ад сябе. Зрэшты, можа быць і іншая форма».
Малады мужчына: «Уласна кажучы, манціраваныя — гэта ўжо не дэбаты, а невядома што. Нават глядзець не буду».
Юнак: «Шчыра кажучы, гэта крыху незразумелы пункт гледжання БТ, таму што пра астатніх кандыдатаў, акрамя дзейнага прэзідэнта, вядома не вельмі шмат. І вельмі цікава было б убачыць іх ужывую, пачуць, што яны думаюць аб цяперашнім стане краіны, якія іх палітычныя погляды».
Мужчына: «Я ні за каго подпіс не ставіў. Заўсёды за Лукашэнку галасаваў і буду галасаваць. Пакуль ён пры сіле, шмат праектаў ажыццяўляе — няхай працуе. Не ведаю іншага кіраўніка, які б столькі зрабіў для Беларусі».
Мужчына: «Дэбаты — гэтае карысная справа. А як будуць паказваць, гэта, як гаворыцца, не нам вырашаць».
Жанчына: «Я падпісвалася за некалькіх — за дзейнага прэзідэнта і за альтэрнатыўных кандыдатаў, каб былі выбары дастойныя».
Пажылы мужчына: «Я за Мілінкевіча падпісаўся. Як не балатуецца? А чаго я за яго ставіў подпіс — пайду забяру назад» (смяецца).
Мужчына: «Спадзяюся, будзе
Мужчына: " Не будзе карысці ў тэледэбатах, калі яны не будуць ужывую для грамадскай думкі прадстаўлены. Людзі павінны бачыць прэтэндэнтаў».
Жанчына: «Я пакуль яшчэ ў роздуме».
Малады мужчына: «Не, не падпісваўся — не вызначыў кандыдата, якога мог бы падтрымаць. Буду галасаваць за Лукашэнку».
Жанчына: «У прамым эфіры народу было б больш цікава і варта ўвагі. Ну, а калі вырашылі ў запісе, на тое таксама былі падставы».
Жанчына: «Да таго, што тэледэбаты будуць не ў прамым эфіры, стаўлюся, вядома, адмоўна. А наогул: „Мы — за прэзідэнта, мы — за Беларусь!“ Таму будзем ставіцца да гэтых дэбатаў так, інфармацыйна».
Бабуля: «Няхай яны паміж сабой разбіраюцца самі, як хочуць».
Звяртае на сябе ўвагу, што ні адзін з альтэрнатыўных прэтэндэнтаў ад апазіцыі ў гэтых дыялогах не быў названы.
З гэтага можна зрабіць наступныя высновы: слаба яны сябе прэзентуюць грамадству; дзяржаўныя СМІ, найперш тэлебачанне, наўмысна ігнаруюць магчымых канкурэнтаў прэзідэнта Лукашэнкі. У той жа час большасць апытаных не лічаць дэбаты бескарыснай справай — калі, канечне, яны пройдуць у прамым эфіры, без умяшання цэнзарскіх «нажніц». Значыць, ёсць цікавасць і да тых, хто прапаноўвае альтэрнатыўны погляд на развіццё краіны.
