Уладзімір Пуцін мае намер прыкладаць максімум намаганняў для рэалізацыі праекта Еўразійскага саюза, заявіўпрэс-сакратар прэм’ер-міністра Расіі Дзмітрый Пяскоў.
«Безумоўна, стварэнне Еўразійскага саюза будзе адным з галоўных прыярытэтаў работы Пуціна ў найбліжэйшыя шэсць гадоў, асабліва ўлічваючы пазітыўную дынаміку аб’яднальнага працэсу і вялікі аб’ём праведзенай работы, якая выканана за тыя чатыры гады, што ён кіруе ўрадам», — цытуе Пяскова газета «Коммерсантъ».
Паводле слоў Пяскова, найбольш блізкая Еўразійскаму саюзу мэтавая мадэль — гэта Еўрапейскі саюз, у прыватнасці, Масква хацела б стварыць і адзіную валюту Еўразійскага саюза з адзіным эмісійным цэнтрам.
Пры гэтым ён сцвярджае, што «краіны, якія ўваходзяць у Еўразійскі саюз, павінны захаваць палітычны суверэнітэт, але кіраванне эканомікамі павінна быць максімальна інтэгравана».
0
0
0
0
0
0
