«Барселона» разграміла «Раё Вальекана»

У перанесеным матчы іспанскага футбольнага чэмпіянату «Барселона» на сваім полі 29 лістапада разграміла мадрыдскі «Раё Вальекана» з лікам 4:0 (Алексіс Санчыс, 29, 41, Вілья, 43, Месі, 50),

Пасля 14 матчаў «сіне-гранатавыя» з 31 балам займаюць 2-е месца ў турнірнай табліцы, на тры пункты адстаючы ад «Рэала» (34), што мае гульню ў запасе.

«Барселона» — супернік БАТЭ у групавым раўндзе Лігі чэмпіёнаў. 6 снежня каманды згуляюць у апошнім туры ў сталіцы Каталоніі. 28 верасня ў Мінску падапечныя Гвардыёлы разграмили беларусаў 5:0, а пасля 5 тураў не толькі гарантавалі сабе месца ў плей-оф, але і датэрмінова занялі 1-е месца.

nn.by

Хочаш падзяліцца важнай інфармацыяй ананімна і канфідэнцыйна? Пішыце рэдактару «Нашай Нівы» ў ТГ