Сёння на сталічных прылаўках цяжка знайсці малако, таннейшае за 4 тысячы рублёў.
— Я гатовая купляць малако 1,5% тлустасці без усякіх дадаткаў, — патэлефанавала ў рэдакцыю «Камсамолкі» чытачка. — Чаму нам не даюць выбару, і ў крамах толькі дарагое малако з лактулозай за 4 тысячы?
Нагадаем, малако адносіцца да сацыяльна значных прадуктаў, цэны на якія рэгулюе дзяржава. У поліэтыленавым пакеце літр малака тлустасцю 3,5% павінен каштаваць максімум 2320 рублёў), а 1,
«Камсамолка» вырашыла адшукаць у мінскіх крамах малако без дадаткаў. Заходжу ў краму на вуліцы Берасцянскай. Малако ў поліэтыленавых пакетах тлустасцю 3,2% каштуе 5 тысяч рублёў. У складзе няма ні кальцыю, ні лактулозы, ні іншых дадаткаў. Напісана толькі, што яно «нармалізаванае і адноўленае». Загадкавы надпіс для любога пакупніка.
— Дзяўчына, а чаму малако без дадаткаў каштуе 5 тысяч? І што значыць «нармалізаванае і адноўленае»?
— Не ведаю, іншага няма, — адрэзала прадавец.
У іншай краме, каля праспекта Незалежнасці, ёсць малако тлустасцю і 1,5%, і 3,2%, але адно з лактулозай, другое — з кальцыем. Пакупніцы ўважліва разглядаюць склад малака на пакеце.
— Зноў з дадаткамі, — абураецца пенсіянерка.
— Без дадаткаў малако раней прывозілі, але апошнім часам яго няма, — тлумачыць прадавец. — Пакупнікі абураюцца, але што мы можам зрабіць. Заводы нам яго проста не пастаўляюць.
Яшчэ ў трох крамах у цэнтры горада на прылаўку малако было толькі з дадаткамі.
Праблемай ужо зацікавіўся Дзяржкантроль. Начальнік галоўнага ўпраўлення кантролю спажывецкага рынка і сферы паслуг камітэта Уладзімір Каленік заявіў, што вытворцы Беларусі не забяспечваюць унутраны рынак у шырокім асартыменце нізкатлустай малочнай прадукцыяй. Паводле дадзеных БелТА, спецыяліст сказаў, што цэны на малако і кефір тлустасцю 1,5 — 2% у два разы вышэйшыя, таму што вырабляюць іх з рознымі дадаткамі. На яго думку, трэба даводзіць да вытворцаў патрабаванні па пастаўках прадукцыі на ўнутраны рынак дырэктыўна.
Як менавіта будуць рэгуляваць пастаўкі таннага малака і кефіру ў крамы, пакуль невядома.
