Следчым камітэтам Беларусі заведзена крымінальная справа ў дачыненні да першага намесніка кіраўніка Адміністрацыі Маскоўскага раёна Мінска, паведамілі ў аддзеле інфармацыі і сувязі з грамадскасцю СК.
Справа заведзена па прыкметах злачынства, прадугледжанага ч. 3 арт. 430 «Атрыманне хабару» Крымінальнага кодэкса.
«Устаноўлена, што чыноўнік неаднаразова атрымліваў хабар ад прадпрымальнікаў, у тым ліку ў буйным памеры, за вырашэнне пытанняў, якія ўваходзяць у яго кампетэнцыю», — растлумачылі ў камітэце.
У ведамстве дадалі, што 30 студзеня затрыманаму было прад’яўленае абвінавачванне ў здзяйсненні некалькіх эпізодаў атрымання хабару. Іншыя падрабязнасці пакуль не паведамляюцца.
0
0
0
0
0
0
