Прыкладна, а 11 гадзіне былы кандыдат у прэзідэнты Мікола Статкевіч патэлефанаваў жонцы. Апошні раз званок быў у жніўні летась.
Цяпер Статкевіч знаходзіццца ў турме ў Магілёве. «Радасна было, што голас у яго не памяняўся. Такія самы бадзёры, вясёлы, — кажа Марына Адамовіч. — Як заўсёды кажа, што ўсё нармальна. Шмат чытае і займаецца спортам. Прэса ў Магілёў пачала лепш даходзіць, чым у Шклоў».Успомніў Мікола пра забарону ўжываць у лістах «асабліва цынічныя выразы» кшталту «жабкі» і «смаўжы».
«Час таннага шантажу палітвязнямі прайшоў», — перадае Марына словы Статкевіча.
Як заўсёды, палітык выказаў занепакоенасць станам лідара «Маладога фронта» Змітра Дашкевіча.
Мікола Статкевіч асуджаны на пяць гадоў калоніі за справу 19 снежня 2010.
0
0
0
0
0
0
