У Беларусі прызнаны страціўшым сілу план прыватызацыі аб’ектаў на 2011–2013 гады, якія знаходзяцца ў дзяржаўнай уласнасці. Рашэнне аб гэтым прынята пастановай Савета міністраў № 900 ад 1 кастрычніка 2012 года, паведамілапрэс-служба ўрада.
Гэты дакумент уносіць змяненні ў пастанову Саўміна № 348 ад 21 сакавіка 2011 года, якой былі зацверджаныя два планы: план прыватызацыі аб’ектаў прыватызацыі, якія знаходзяцца ва ўласнасці Беларусі, на 2011–2013 гады, і план пераўтварэння рэспубліканскіх унітарных прадпрыемстваў у адкрытыя акцыянерныя таварыствы на 2011–2013 гады. Цяпер план прыватызацыі аб’ектаў, якія знаходзяцца ва ўласнасці Беларусі, зацверджаны пастановай № 348, прызнаны страціўшым сілу.
Нагадаем, што з ініцыятывай адмовы ад раней зацверджанага трохгадовага плана прыватызацыі летам гэтага года выступіў Аляксандр Лукашэнка пасля таго, як урад Беларусі падрыхтаваў пералік ААТ з пераважнай доляй дзяржавы, якія планаваліся да продажу.
Што да плана пераўтварэння рэспубліканскіх унітарных прадпрыемстваў у адкрытыя акцыянерныя таварыствы на 2011–2013 гады, то ён працягвае дзейнічаць. Пастановай № 900 ён выкладзены ў новай рэдакцыі. У пераліку знаходзіцца 128 прадпрыемстваў, пераўтвораныя ў ААТ у
Такім чынам, у Беларусі ўжо няма плана прыватызацыі і пераліку прадаваемых прадпрыемстваў, можна прыватызаваць любое прадпрыемства, калі ёсць інвестар, вызначана цана аб’екта. Рыхтуюцца праекты распараджэнняў прэзідэнта па продажы акцый некаторых прадпрыемстваў на аўкцыёнах і конкурсах. Да канца гэтага года некаторыя аб’екты плануецца выставіць на продаж.
