Два невядомыя ў цывільным 18 кастрычніка ў 6.20 раніцы спрабавалі трапіць у кватэру, дзе жывуць маці і айчым забітай журналісткі Веранікі Чаркасавай, паведамілапрэс-служба Беларускай асацыяцыі журналістаў.
Як паведаміў айчым Чаркасавай Уладзімір Мялешка, невядомыя спачатку настойліва званілі, а потым стукалі і цягнулі ручку дзвярэй кватэры. Так працягвалася каля гадзіны.
«Адчыняць дзверы або размаўляць з візіцёрамі сваякі Веранікі не адважыліся. Але яны мяркуюць, што гэта звязана з набліжэннем гадавіны забойства», — гаворыцца ў паведамленні.
«Калі б такіх выпадкаў не было раней, можна было б гаварыць аб нейкім збегу абставінаў. Але мы добра знаёмыя з візітамі міліцыі і пасля 23 гадзін, і на досвітку… Мы двое старых, хворых людзей. Я не разумею, які сэнс на нас ціснуць і запужваць?» — сказала маці журналісткі Дзіяна Чаркасава. Апошні візіт супрацоўнікаў міліцыі адбыўся у кастрычніку 2008 года, таксама напярэдадні гадавіны забойства. Тады ў кватэры з санкцыі пракурора Першамайскага раёна быў праведзены вобыск. Супрацоўнікі РУУС шукалі «зброю, наркотыкі, выкрадзеныя рэчы», але ў выніку нічога не забралі.
17 кастрычніка БАЖ звярнулася па інфармацыю па справе Чаркасавай у Следчы камітэт, у кампетэнцыю якога з пачатку 2012 года перайшлі такія справы. У аддзеле па расследаванні злачынстваў супраць асобы і грамадскай бяспекі ўпраўлення СК па горадзе Мінску паведамілі, што адрэагуюць толькі на пісьмовы запыт. Арганізацыя такі запыт накіравала.
Журналістка недзяржаўнай газеты «Салідарнасць» Вераніка Чаркасава была забіта 20 кастрычніка 2004 года ў сваёй кватэры ў Мінску. Яе цела са шматлікімі нажавымі раненнямі знайшлі
БелаПАН.
