Полацкім міжраённым аддзелам Следчага камітэта заведзена крымінальная справа па факце суіцыду непаўналетняй дзяўчыны, якая пражывала ў Полацкім раёне, паведамляе sk.gov.by.
Следствам устаноўлена, што 12 сакавіка каля 18 гадзін, знаходзячыся ў Полацку ў кватэры знаёмага, 17-гадовая дзяўчына скокнула з акна 6 паверха дзевяціпавярховага дома. Ад атрыманых цялесных пашкоджанняў яна памерла ў бальніцы.
Па дадзеным факце следчыя распачалі крымінальную справу па ч.2 арт.145 Крымінальнага кодэкса Рэспублікі Беларусь (давядзенне да самагубства заведама непаўналетняга).
Следчыя правялі агляд месца здарэння, прызначылі судова-медыцынскую экспертызу, усталёўваюць і дапытваюць сведак, высвятляюць матывы таго, што адбылося.
Паводле папярэдняй інфармацыі гібель непаўналетняй не звязаная з уплывам сацыяльных сетак.
Адна з прычын суіцыду, якую разглядае следства - асабістыя ўзаемаадносіны.
Расследаванне крымінальнай справы працягваецца.