Жыхара Гродна асудзілі за абразу Лукашэнкі і выяву са свастыкай у зялёна-чырвоных колерах
У судзе Ленінскага раёна Гродна вынесены прысуд 33-гадоваму Дзмітрыю Янушкевічу паводле двух артыкулаў Крымінальнага кодэкса за знявагу дзяржаўных сімвалаў (арт. 370) і абразу Лукашэнкі (ч. 1 арт. 368), паведамляе «Вясна».
Суддзя Наталля Казёл пакарала мужчыну годам калоніі ва ўмовах агульнага рэжыму.
Паводле матэрыялаў справы, Янушкевіч размясціў негатыўныя публікацыі ў аднакласніках пра Аляксандра Лукашэнку і дзяржаўны сцяг Беларусі. Сярод іншага, мужчына адрэагаваў на публікацыю ў адной з суполак, пасля чаго на яго старонцы з'явілася выява Лукашэнкі са свастыкай ззаду.
Абвінавачванне расцаніла гэтае дзеянне, як «непрымальнае з пункту гледжання сучаснай культуры, паколькі ў ім прысутнічаюць элементы скажэння грамадска-палітычнай рэчаіснасці» щ тым плане, што Лукашэнкам ў кіраванні краінай «ужываюцца фашысцкія метады».
