Сяргей Будкін: Ці можна выжыць шляхам стрэлу сабе ў галаву?
«Расія не адпускае беларусаў. Нават падчас вайны. І нават сумленных беларусаў. Там — кантакты, сябры, медыя, аўдыторыя. Там — рынак», — наракае кіраўнік Беларускай Рады культуры Сяргей Будкін на сваёй старонцы ў фэйсбуку.
«Складана было прыняць, але можна было знайсці тлумачэнне канцэртам «Сашы і Сірожы» ў Маскве і Піцеры вясною і летам 2022-га ці выставе «Бетонны батут» беларускіх незалежных мастакоў у Піцеры. Бо — пляцоўкі незалежныя, усе вакол (нібы) супраць вайны, а мастацтва не мае межаў…
Гастроль беларуса ЛСП па Расіі патлумачыць ужо было немагчыма. Гралі музыкі па гарадах Расіі, нібы чагосьці скраўшы. І проста падчас туру, не адмяняючы канцэртаў, прыбралі з сайта згадкі пра іх, каб замесці сляды.
Выглядае на тое, што 2023 год будзе багаты на непрыемныя здзіўленні і расчараванні.
Скажыце, што гэта проста сніцца мне.
…І што Валеры Дайнека з «Беларускімі песнярамі» не выступае на навагоднім агеньчыку на РТР разам з тымі, хто распальвае і падтрымлівае вайну ва Украіне.
…Што Анатоль Кот на сцэне маскоўскага тэатра не замяніў рускага артыста, які выказаўся супраць вайны.
…І што ў 2023 годзе на расійскіх тэлеканалах не выйдзе адразу дзевяць серыялаў з удзелам Паўла Харланчука…
Кожны хоча выжыць у гэтых няпростых умовах. Але ў мяне пытанне, ці можна выжыць шляхам стрэлу сабе ў галаву?» — напісаў Сяргей Будкін.
А тут вось як апынілася: з беларускіх рок музыкантаў ніхто асабліва і не ганьбіўся наадварот, зараз усе у міграцыя, а усякія лсп ды агурбашы шукаюць кампрамісаў