Дэпутаты прапанавалі дапоўніць закон аб СМІ забаронай на прапаганду ЛГБТ
Дэпутаты на пасяджэнні сесіі Палаты прадстаўнікоў прынялі ў першым чытанні законапраект «Аб змяненні закона Рэспублікі Беларусь «Аб сродках масавай інфармацыі».
Зала пасяджэнняў Палаты прадстаўнікоў. Фота: БелТА
Праект закона ўнесены ў Палату прадстаўнікоў урадам. Паведамляецца, што ён накіраваны на забеспячэнне канстытуцыйнага права грамадзян на атрыманне поўнай і дакладнай інфармацыі, абароны дзяржаўных і грамадскіх інтарэсаў, нацыянальнай бяспекі ў галіне масавай інфармацыі, паведамляе БелТА.
Дакументам «удакладняецца парадак дзейнасці замежных сродкаў масавай інфармацыі на тэрыторыі Беларусі, замацоўваецца магчымасць прымянення мер у адказ у дачыненні да замежных сродкаў масавай інфармацыі, інтэрнэт-рэсурсаў, журналістаў замежных сродкаў масавай інфармацыі».
Праект закона прайшоў усе неабходныя працэдуры для разгляду Палатай прадстаўнікоў. Заўвагі і прапановы, якія паступілі, не носяць канцэптуальнага характару і будуць урэгуляваныя пры падрыхтоўцы законапраекта для разгляду ў другім чытанні.
Таксама дэпутаты прапанавалі дапоўніць закон аб СМІ забаронай на прапаганду ЛГБТ.
Кіраўнік Мінінфарма Уладзімір Пярцоў адзначыў, што, яны ўжо распачалі дастатковыя меры для таго каб распаўсюджванне такой прадукцыі ў нашай краіне было абмежаванае. «Я думаю, што трэба ў комплексе падысці да распрацоўкі такога законапраекта і ключавую ролю павінны адыграць заканадаўцы, сцягнуўшы да сябе розныя ведамствы: і Мінадукацыі, і Міністэрства аховы здароўя, і Мінінфарм, і МУС, каб гэта быў комплексны і шырокі прававы акт», — сказаў Пярцоў.
Мінінфарм Беларусі рыхтуецца да абароны традыцыйных каштоўнасцяў Расіі
Лукашэнка заявіў, што ў Беларусі ёсць геі на самых высокіх узроўнях і яны «залатыя людзі»
і яны хочуць гэта забараніць?