Польшча будзе дамагацца ўключэння Беларусі ў 12-ы пакет санкцый Еўрасаюза
Польскія ўлады ўжо пачалі працаваць над 12-м пакетам санкцый у дачыненні да Расіі. У яго хочуць уключыць і Беларусь. Пра гэта паведаміў Польскаму прэс-агенцтву намеснік міністра замежных спраў краіны Пётр Ваўжык.
Выява: vecteezy
Паводле Ваўжыка, у новы пакет санкцый хочуць уключыць Беларусь, якая хоць і не бярэ непасрэднага ўдзелу ў вайне Расіі супраць Украіны, але дае сваю тэрыторыю для навучання расійскіх вайскоўцаў, а таксама для нанясення авіяўдараў.
«Мы не можам мірыцца з такой сітуацыяй, тым больш што рэжым у Мінску робіць больш суровай унутраную палітыку ў дачыненні да ўласных грамадзян. Розніца паміж Беларуссю і Расіяй паступова сціраецца, таму гэтыя краіны павінны быць ахопленыя аднолькавымі санкцыямі», — заявіў намеснік кіраўніка МЗС Польшчы.
Чыноўнік падкрэсліў, што калі будзе складзены і прыняты 12-ы пакет санкцый, прагназаваць ён не бярэцца. Але «мы мусім імкнуцца да таго, каб ён быў як мага больш шырокі».
Чытайце таксама:
У 11-ы пакет санкцый Еўрасаюза ўключылі двух чыноўнікаў з Беларусі
Еўрасаюз зацвердзіў новы пакет санкцый супраць Расіі
«Абавязак міжнароднай супольнасці — цалкам ізаляваць рэжым у Беларусі» — Гітанас Наўседа