Знайсці
24.01.2024 / 00:509РусŁacБел

Што пыталіся ў сваякоў палітвязняў, якіх масава затрымлівалі ўчора? І пры чым тут «Едастаўка»

Па ўсёй Беларусі 23 студзеня прыйшлі з ператрусамі мінімум да 84 чалавек, гэта сваякі палітвязняў і былыя палітвязні. Некаторыя з іх застаюцца за кратамі, некаторых вызвалілі. Што звязвала ўсіх гэтых людзей? Наколькі нам вядома, большасць з іх атрымлівала дапамогу ад ініцыятывы IneedHelp.

Гэты праект дапамагаў ахвярам палітычных рэпрэсій простым чынам — для сем’яў палітвязняў, якія апынуліся ў цяжкай фінансавай сітуацыі, неабыякавыя беларусы замаўлялі прадукты. Для гэтага выкарыстоўвалася «Едастаўка» — папулярны сэрвіс «Еўраопта». Кур'еры кампаніі развозяць кліентам замоўленыя тавары. Аплаціць замову можна пры атрыманні прадуктаў, а можна і загадзя, у інтэрнэце.

Падчас допытаў у людзей перадусім пыталіся, ці атрымлівалі яны нешта праз дастаўку «Еўраопта» і хто аплачваў гэтыя прадукты. Пра гэта «Нашай Ніве» стала вядома ад некалькіх крыніц.

Натуральна, атрыманне прадуктаў не забаронена заканадаўствам — нярэдкая сітуацыя, калі дзеці з-за мяжы замаўляюць прадукты сталым бацькам. 

Але тыдзень таму ініцыятыву IneedHelp прызналі «экстрэмісцкім фармаваннем». І цяпер людзям пагражаюць крымінальнымі справамі за «ўдзел» у дзейнасці фармавання. У залежнасці ад адказаў на пытанні спецслужбістаў некаторым нібыта прапануюць перайсці з падазраваных у сведкі. Відавочцы адзначаюць, што людзей у КДБ завозілі дзясяткамі.

Як сілавікі маглі выйсці на атрымальнікаў дапамогі? Найхутчэй, стваральнікі IneedHelp ажыццяўлялі аплату ў «Едастаўцы» сваёй банкаўскай карткай (адной ці некалькімі). Яна была небеларускай, таму аперацый па рахунку спецслужбісты ўбачыць не маглі.

Але з тэхнічнага пункта гледжання зусім нескладана вылічыць тыя сотні ці тысячы замоваў, зробленых з аднаго акаўнта (ці нават некалькіх) і аформленых па адрасах пражывання сем'яў палітвязняў.

Гэта аперацыя магла праводзіцца як праз запыт у «Еўраопт», так і праз банкаўскія механізмы.

Паводле статыстыкі на сайце IneedHelp, праект агулам сабраў $1,55 мільёна, была адпраўлена 15 161 прадуктовая дапамога.

Чытайце таксама:

У маці Марыны Касінеравай 10 гадзін праводзілі ператрус

Падчас хапуна сваякоў палітвязняў затрымалі Марыну Адамовіч

Што стаіць за сённяшнім хапуном і масавымі вобшукамі

У рамках масавага хапуну сваякоў палітвязняў і былых палітзняволеных затрымалі як мінімум 37 чалавек

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
7
Панылы сорам
23
Ха-ха
2
Ого
4
Сумна
12
Абуральна
152
0
Улад/адказаць/
24.01.2024
З боку спецслужбаў Лу вядзецца барацьба супраць салідарнасці людзей. Супраць чалавечнасці. Супраць грамадскасці.
0
Центрифуга/адказаць/
24.01.2024
Помню-помню старые чёрно-белые кадры. Там тоже сволочи у детей еду отбирали.
0
даведка /адказаць/
24.01.2024
Я как чувствовал отвечая в той теме Freddy, который обозвал меня тогда жертвой статьи и деревней, первым же примером указав ему, что спецслужбы получат доступ к заказам в онлайн-магазинах.... Не прошло и полгода.
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера
ПНАЎСРЧЦПТСБНД
12345
6789101112
13141516171819
20212223242526
2728293031