Ваўка, які наводзіў страх на вуліцах Віцебска, забілі
Затрымалі парушальніка спакою ў Пестуніцы ў Віцебскім раёне.
Воўк, які блукаў па вуліцах Віцебска і яго наваколлях, абясшкоджаны, паведамляе міліцэйскі тэлеграм-канал.
Нядаўна ў інтэрнет патрапіла відэа, на якім дзікая жывёла бегала па вуліцах горада і трымала ў страху мясцовых жыхароў. Горад патрулявала міліцыя.
Учора воўк быў заўважаны ў вёсцы Пестуніца Віцебскага раёна — яго пабачыла вяскоўка на сваім участку. Неадкладна былі выкліканы супрацоўнікі лясгаса і паляўнічыя.
Жывёлу застрэлілі.
Чытайце таксама:
Міліцыя кругласутачна патрулюе вуліцы Віцебска — па горадзе шнырыць галодны воўк
«Я такіх сабак ніколі не бачыла». Воўк ці сабака: хто трымае ў страху жыхароў Віцебска
З'явілася ВІДЭА, як у Налібоцкай пушчы сям'я ваўкоў ратуе ваўчанят ад мядзведзя
